Íslenskuverðlaunin eru nú veitt í sextánda sinn í tilefni af degi íslenskrar tungu sem haldinn er hátíðlegur árlega, á fæðingardegi Jónasar Hallgrímssonar, 16. nóvember. Verðlaununum er ætlað að auka áhuga grunnskólanema í Reykjavík á íslenskri tungu og hvetja þá til framfara í tjáningu og töluðu og rituðu máli.  Verlaunin voru afhend í Norðurljósasal Hörpu tónlistarhúsi.

Þeir nemendur í Klébergsskóla sem hlutu verðlaun eru:

Karítas Maísól Frantzdóttir fyrir eljusemi, þrautsegju, ríkulegan orðaforða og mikla frásagnargleði og frumleika í rituðu máli.

Dagbjört Freyja Gígja fyrir góðan lesskilning, samviskusemi og metnað og sjálfstæði í skapandi ritunarverkefnum.

Jónmundur Atli Bjarnason fyrir ríkulegan orðaforða, orðskilning og tilfinningu fyrir starfsetningu. Sýnir mikla hæfileika í framsögn og ritun.

Við óskum þeim innilega til hamingju og vonum að þetta verði þeim hvatning til áframhaldandi góðra verka.