Kæru foreldrar

Allt starfsfólk í Sameyki sem starfar í grunnskólum og á frístundaheimilum fer í ótímabundið verkfall frá og með 9. mars hafi ekki samist fyrir þann tíma.

Ljóst er að verkfall mun hafa mikil áhrif á skólastarf og má gera ráð fyrir að ekki sé hægt að halda úti skólastarfi án þessara starfsmanna og í óræstu húsnæði.

Ákvörðun um lokun er á hendi sviðsstjóra skóla- og frístundasviðs að undangenginni úttekt heilbrigðiseftirlits.

Ef af fyrirhuguðu verkfalli verður mun ég opna skólann kl. 8:00 á mánudaginn (ekki kl. 7:45 eins og venjulega). Kennsla hefst kl. 8:15 og stendur til kl. 11:15 en þá líkur allri kennslu og skólarúturnar keyra heim.

Nemendur þurfa að koma með hollt morgunnesti en taka allar umbúðir aftur heim.

Við tökum bara einn dag í einu og upplýsingar um þriðjudaginn koma í lok mánudags.

 

Með kveðju,

Sigrún Anna