Upplestrarkeppnin, sem nemendur í 7. bekk hafa verið að æfa sig fyrir undanfarið, var haldin í morgun að viðstöddum nemendum í 5. og 6. bekk.

Dómnefndin, sem í voru Jóhanna, Regína og Unnur, tók sér tíma eftir keppnina til að velja bestu lesarana og á meðan fengu allir þátttakendur, ásamt áhorfendum, ís. Það er gaman að geta þess að bæði keppendur og áhorfendur stóðu sig með afbrigðum vel.

Þeir nemendur sem valdir voru sem aðalmenn eru: Nói Quinten Verwijnen og Þorsteinn Bjarni Arnarson. Varamaður var Rut Ægisdóttir.

Þessir nemendur munu svo taka þátt í Lokahátíð Stóru upplestrarkeppninnar sem verður haldin mánudaginn 9. mars n.k. kl. 16:00 – 18:00 í Grafarvogskirkju.

Við óskum þessum efnilegu upplesurum innilega til hamingju og erum viss um að þau verði skólanum sínum til sóma á lokahátíðinni.