Ágætu nemendur Klébergsskóla og foreldrar/forráðamenn þeirra.

Smellið á myndina til að stækka.

Það er búið að vera mjög gaman í Klébergsskóla undanfarna daga. Bekkirnir hafa farið í vorferðir og 10. bekkurinn í útskriftarferðina. Þá voru þemadagar með vináttuna sem aðalþema í fjölbreytilegum verkefnum og loks héldum við íþróttadaginn sl. föstudag. Að loknum stuttum og skemmtilegum íþrótta- og leikjastöðvum enduðum við á hinu margfræga reiptogi milli 10. bekkjar og starfsmanna.  Myndir af þessu eru nú komnar í Myndasafnið. Höfundar myndanna eru ýmsir starfsmenn skólans en Hrefna Sigríður, foreldri í 10. bekk tók myndirnar úr útskriftarferðinni. Nýju myndirnar eru í möppunum "Ferðalög" og "Þemadagar".

Skólaárinu fer nú senn að ljúka og eins og hefð er fyrir brjótum við upp starfið síðustu dagana. Bekkirnir fara í vorferðir sínar ýmist á mánudag eða þriðjudag á meðan 10. bekkurinn verður í útskriftarferðalagi dagana 31. maí til 2. júní. Á miðvikudag og fimmtudag verða þemadagar í skólanum undir yfirskriftinni “vinátta”. Þar verður öllum nemendum raðað í blandaða hópa þvert á árganga og hóparnir vinna svo á stöðvum, 80 mínútur í senn. Viðfangsefni stöðvanna eru mörg og mismunandi, allt frá útivist til myndlistar.  Það stefnir í mjög fjölbreytta og skemmtilega þemadaga. Föstudaginn 4. júní er svo íþróttadagur sem hefð er orðin fyrir.